Nagbinayloay sa seryosong pasangil ang Russia ug Ukraine human mapakyas ang gipatuman nga traynta’y dos oras nga ceasefire alang sa pagtahod sa Orthodox Easter.
Base sa mga report, parehong nakatala ang duha ka kampo sa liboan nga pag-atake pipila lang ka oras human nagsugod ang gikasabotang pagpahunong sa buto.
Gibutyag sa Ukraine nga duna silay narekord nga kapin pito ka libo (7,000) ka paglapas gikan sa tropa sa Russia, samtang nialegar usab ang Moscow og halos duha ka libo (2,000) ka atake gikan sa Kyiv.
Tungod niini, hingpit nga napakyas ang tinguha nga mahatagan sa mubo nga kalinaw ang mga sibilyan taliwala sa gubat nga anaa na karon sa ikalimang tuig.
Nagpabilin nga tensionado ang sitwasyon sa frontlines samtang padayon ang binayloay sa drone ug artillery strikes human mapupos ang maong truce kaganihang tungang gabii. (Jane Abulag)
