Gikan sa 16%, gikonhuran sa 8% ang 2026 Value Added Tax sa Kenya. Kini ang bag-ong balaod nga gipirmahan ni Kenyan President William Ruto, ning adlawa.
Ang gi-amendaran nga buluhisan molungtad sulod sa 90 ka adlaw, ug mahimo pang lugwayan sa National Treasury kon magpadayon ang pagsaka sa presyo sa lana sa World Market.
Miingon ang presidente nga ang lakang gitumong aron mapugngan ang pagsaka sa presyo sa lana sa ilang lokal nga merkado, ug aron dili musaka ang presyo sa ilang nag-unang palaliton ug batakang serbisyo.
Sa Nairobi, ang presyo sa usa ka litro nga gasolina karon mao ang 197.60 shillings o kapin P91.13 (1.53 USD), samtang ang diesel mao mapalit na sa 196.63 shillings o P94.43.
Ang balaod naghatag gahum sa Treasury nga mapatuman, ug malungtaran kini kung musamot pa ang krisis sa lana.
