Gi-anunsyo ni United States President Donald Trump nga iya nang nadawat ang peace proposal gikan sa Iran.
Subay sa iyang social media post, iyang gibutyag nga ila pang tun-an ang sugyot apan, nipis ang tsansa nga iya kining dawaton tungod kay wala pa makabayad ang Tehran Government sa ilang dakung utang sa katawhan ug sa tibook kalibutan sa naglabay ng 47 ka katuigan.
Una niini, gikompirmar usab ni Iranian Foreign Ministry spokesman Esmaeil Baghaei nga nakadawat na sila sa tubag sa Estadus Unidos human nila napadala ang 14-point proposed plan.
Unod niini ang pag-undang sa giyera apan, wala labot sa kasabutan ang pagpahunong sa ilang nuclear plants. Mismo si Trump miingon nga andam siyang mulusad, subli, sa airstrike sa Iran kung sila musupak sa kasabutan.
