Daghan ang mastermind sa flood control scam. Kini ang gibutyag ni Senate President Pro Tempore Panfilo “Ping” Lacson base sa imbestigasyon sa Senate Blue Ribbon Committee.
Matod ni Lacson, walay usa ka “overall mastermind” apan daghan sa mga district engineers sa Department of Public Works and Highways (DPWH) gikan sa lain-laing distrito ang nalambigit sa mga ghost projects.
Sumala ni Lacson nga adunay mga organisadong grupo sa matag distrito nga nagahimo sa pag-panikas, sama sa 1st District sa Bulacan nga adunay budget nga kapin P30-bilyon para sa flood control projects, diin ang maong pondo nakit-an nga gigamit sa ghost projects o substandard nga mga proyekto. (Phillip Ariata)
