Nagduso sa sugyot balaodnon si Senador Ronald “Bato” Dela Rosa taliwala sa iyang pag absent sa Senado.
Subay sa rekord, gilagdaan ni Dela Rosa ang Senate Bills 2079 ug 2080 kaniadtong Mayo 4, ug pormal nga gibasa kini sa plenaryo kaniadtong Mayo 6.
Tuyo sa Senate Bill 2080 o Counter Foreign Interference Act nga ilhon ug silotan ang foreign interference sa nasud apil usab ang pagmugna og council nga mag pokos sa mga butang nga may kalabot sa edukasyon, ekonomiya, ug uban pa.
Samtang ang Senate Bill 2079 o National Police Clearance System Act adunay tumong nga mapalig-on ang police clearance system pinaagi sa pag centralized sa database para sa mga records ug sa ubang mga dokumento.
Hisayran nga wala pa gihapon nagpakita ang senador human mipagawas og warrant of arrest ang International Criminal Court (ICC) atol sa kontrobersya sa war on drugs, rason nganong anaa siyay ethics complaint tungod sa kadugayon sa iyang pagkawala sa senado. (riza budlao)
