Gipamugos ni Mamamayang Liberal Partylist Representative Leila de Lima ang kamahinungdanon sa impeachment proceedings batok kang Bise Presidente Sara Duterte human gi-aprubahan sa House of Representatives ang Justice Committee Report ug Articles of Impeachment.
Sumala ni De Lima, kini ang labing unang higayon sa kasaysayan sa nasud nga ang usa ka Bise Presidente na-impeach sa duha ka higayon, nga alang kaniya usa ka lig-on nga kamatuoran sa pagpatigbabaw sa constitutional accountability.
Gipadayag usab niya nga mas mahinungdanon ang 257-ka boto sa mga kongresista nga pabor sa impeachment kaysa sa bisan unsang kausaban sa liderato sa Senado.
Tungod niini, nanawagan siya sa Senado sa Pilipinas nga gampanan ang ilang obligasyon isip impeachment court nga maoy mosuta ug modesisyon sa maong kaso aron makab-ot ang hustisya. (Phillip Ariata)
