Gi-kumpirmar sa Minister of Health sa Spain nga nahuman na ang pag-bakwit sa mga nahabilin nga 6-ka pasahero ug pipila ka tripulante gikan sa luxury cruise ship nga MV Hondius, nga naigo sa hantavirus.
Human sa maong operasyon, ang barko milayag na paingon sa Netherlands samtang gi-atiman ang mga pasyente.
Sa pikas bahin, gipasalig ni World Health Organization (WHO) Chief Tedros Adhanom Ghebreyesus nga ubos pa ang risgo sa maong virus sa tibuok kalibutan ug wala pay timailhan sa usa ka mas dako nga outbreak.
Atol sa iyang pakigtagbo kang Spanish leader Pedro Sanchez sa Madrid, iyang gipasabut nga bisan nga kontrolado pa ang sitwasyon sa pagkakaron, padayon gihapon sila sa pag-monitor tungod kay mahimo pa kining mausab.
Hisayran nga ang hantavirus kasagaran makuha gikan sa mga ilaga ug dili kini daling mokatap gikan sa tawo ngadto sa laing tawo sama sa ubang mga virus.
