Nahimong sentro sa mga istorya karon ang giingong pag-kanselar sa gipaabot nga kasal sa aktres nga si Bea Alonzo ug sa negosyante nga si Vincent Co tungod sa wala pagka-sinabot sa ilang prenuptial agreement.
Sumala sa mga taho, miabot sa usa ka “stalemate” ang negosasyon sa duha, nga nahimong mitsa sa pagkalangan sa ilang wedding plans nga gikatakda unta nga ipahigayon sa nasud sa Spain.
Gikataho nga adunay pipila ka probisyon sa prenup nga giisip sa kampo ni Co nga dili patas, apan nagpabiling lig-on ang baroganan ni Bea bahin niini.
Bisan pa man sa nagkagrabe nga mga sugilanon, wala na gipahibalo sa publiko ang eksaktong detalye sa maong mga kondisyon subay sa hangyo sa usa ka source. (phillip ariata)
