Gipatuman sa Department of Agriculture (DA) ang temporaryong pagdumili sa pag-import sa mga buhing mananap ug mga produkto gikan sa Greece tungod sa nakumpirmang kaso sa foot-and-mouth disease (FMD).
Ubos sa Department Circular 20, gi-suspinde ang pag-pagawas sa import clearances ug gimando ang mas estriktong inspeksyon sa tanang pantalan aron mapanalipdan ang lokal nga industriya.
Lakip sa mga gidili mao ang karne, buhing baboy, baka, ug hilaw nga gatas, gawas lamang sa mga processed goods nga giilang luwas base sa international standards.
Gitugotan gihapon ang mga kargamento nga nabiyahe na sa wala pa ang circular, basta nga kini na-prodyus sa wala pa ang Pebrero 28 subay sa mga guidelines. (phillip ariata)
