“Hindi katanggap-tanggap ug usa ka insulto sa demokrasya” mao kini ang obserbasyon ni Atty. Allan Panolong, national president sa Integrated Bar of the Philippines, kabahin sa nahitabong pagpabuto og armas sulod sa Senado niadtong Miyerkules sa gabii.
Gipadayag ni Panolong nga nakapaguol nga hangtod karon wala pa mailhi sa mga otoridad kon kinsa gayod ang responsable sa maong insidente, bisan pa nga adunay mga CCTV camera sulod sa lugar.
Matod sa abogado, dili angay balewalahon ang maong hitabo tungod kay walay luna ang kapintasan sulod sa usa ka civilized society, ilabi na sa usa ka importante ug respetadong institusyon sama sa Senado.
Gidugang pa niya nga ang insidente dili lamang pag-atake batok sa Senado kondili pag-atake usab sa demokrasya ug sa tibuok Filipino community.
Tungod niini, nanawagan ang IBP sa mga law enforcement agencies nga paspasan ang imbestigasyon aron dayon mailhan ang responsable ug mapasakaan sa hustong kaso.
Dugang pa, kinahanglan mapanubag ang mga responsable aron dili na mausab ang susamang insidente sa sulod sa mga institusyon sa gobyerno.
