Gitin-aw sa Bureau of Investigation (BI) nga wala pa silay natala nga bag-ong travel records nga nagpakita nga nakagawas sa nasud si Senador Bato dela Rosa human sa insidente sa Senado.
Kini ang gipasabot ni BI Spokesperson Dana Sandoval sa BOMBO RADYO. Miingon si Sandoval nga hugot ang ilang gipatuman nga seguridad ubos sa ilang hurisdiksyon busa walay angay ikabalaka kalabot sa pagbiyahe sa senador abroad.
Una niini, napagawas na sa International Criminal Court (ICC) ang dokumento nga nakalista na ang kompletong ngalan ni Senador Dela Rosa isip wanted person kay siya co-perpetrator sa kasong murder ug attempted murder ni kanhi Presidente Rodrigo Duterte.
Sa pagkakaron, gihatagan sa tolo ka adlaw o 72 hours ang kampo ni Dela Rosa nga tubagon ang pagkuwestiyon sa Korte Suprema nga nagtumong nga ipagawas ang Temporary Restraining Order (TRO) sa tinguha nga masikop siya sa mga sakop sa Philippine Center for Transnational Crimes (PCTC).
Ang PCTC mao ang liaison o contact point sa Interpol ug uban pang international law enforcement agencies kundiin, kung adunay ICC arrest warrant nga ipatuman sa Pilipinas, ang PCTC ang usa sa mga ahensya nga ikoordinar sa gobyerno aron mabalido ang pagsikop ug ang implementasyon sa arrest order gikan sa korte sa The Hague Netherlands
