Nag-alinsuso sa kalagot ang grupong Kalipunan ng Damayang Mahihirap o KADAMAY human mihungaw ang impormasyon nga wala na sa pasilidad si Senador Ronald Bato dela Rosa.
Sa pakighinabi sa BOMBO RADYO, namahayag si Mimi Doringo nga gikondinar nila ang gihimo sa mga kabaro nga mga pulis ni Dela Rosa kay gipasagdan nila kining maka-ikyas sa senado.
Mahinumduman nga gipa-ubos sa protective custody sa senado, ug pinaagi ni Senate President Alan Peter Cayetano si dela Rosa, human sa kalit nga pagtunga sa mga ahente sa National Bureau of Investigation (NBI) niadtong Mayo 11, dungan sa subling pagbalik-trabaho ni Senador Bato.
Sa makadaghang higayon, gitratar sa Kadamay nga makasasala si dela Rosa human nagsilbi kining bata-bata ni kanhi Presidente Rodrigo Duterte sa pagpatuman sa duguong war on drugs campaign sugod tuig 2016.
