Gideklara ni Presidente Donald Trump nga dako ang tsansa nga makab-ot sa Estados Unidos ug Iran ang usa ka kasabotan aron mapugngan ang Tehran sa paghimo og nukleyar nga hinagiban.
Kini human kalit nga gi-postpone ni Trump ang planong pag-atake militar sa Amerika.
Sumala sa presidente, iyang gihatagan og dalan ang nagpadayong negosasyon human mihangyo kaniya ang mga lider sa Saudi Arabia, UAE, ug Qatar nga i-hold una ang operasyon sulod sa duha hangtod tulo ka adlaw tungod sa nagkaduol nga peace deal.
Bisan pa niini, nagpabiling hugot ang White House sa ilang ‘red line’ nga kinahanglang biyaan sa Iran ang ilang nuclear ambitions.
Gipasidaan usab ni Trump nga andam gihapon ang militar sa US nga molusad og dakong operasyon sa usa lang ka pamilok kon mapakyas ang maong diplomatic talks. (jane abulag)
