Human na ang tahas sa mga complainants sa giduso nga impeachment complaint batok sa Bise Presidente.
Sumala ni Attorney Amando Ligutan, ang lead counsel sa mga reklamante, nahuman na ang partisipasyon sa iyang mga kliyente human sila mopaabot sa ilang pamahayag sa committee hearing sa Ubos-Balay-Balaoranan.
Gitataw sa maong abogado nga nakatutok na karon ang proseso sa pagbalhin sa kaso ngadto sa Senado alang sa pormal nga paghukom.
Gilauman nga dili na kinahanglan pa ang personal nga presensya sa mga reklamante, lakip na si Father Sabale, atubangan sa Senado isip usa ka impeachment court.
Hinuon, dako ang pagsalig sa kampo sa mga complainants nga lig-on ang ilang mga ebidensya nga nakalatid sa Articles of Impeachment aron mapanubag ang Bise Presidente. (jane abulag)
