Gipamatud-an sa Islamic Revolution Guard Corps (IRGC) Navy sa Iran nga luwas ang pagtipas sa 26 ka barko, lakip na ang mga oil tanker ug container ships, sa Strait of Hormuz sulod sa 24 ka oras uban sa koordinasyon sa ilang pwersa.
Gipalanog sa IRGC nga ang tanang barko nga mosulod sa waterway kinahanglan makakuha ug pagtugot gikan sa ilang naval forces.
Sa samang adlaw, usa ka South Korean oil tanker nakalabay nga luwas.
Kini mao ang unang higayon nga adunay ka-alyado sa Amerika ang nakatabok sa kipot nga gibantayan sa ilang mga gwardiya.
Hisayran nga sukad Pebrero 28, gibawal sa Iran ang luwas nga pag-agi sa mga barko nga konektado sa U.S. ug Israel human sa ilang joint strikes sa teritoryo sa Iran.
Ang U.S. usab nagpatuman ug naval blockade aron pugngan ang mga barko nga gikan ug paingon sa Iranian ports.
Nagsugod ang sporadic clashes tali sa Iran ug U.S. human sa paglunsad sa Washington sa “Project Freedom” aron tabangan ang mga barko nga na-stranded sa waterway.
