Adunay kabalaka si Atty. Oscar Moreno, magtutudlo sa Xavier University – Ateneo de Cagayan, nga magkagamay ang attractiveness sa Pilipinas isip investment destination tungod sa padayon nga mga isyu ug kawalay kasiguroan sa nasod.
Matud sa abogado, ang nagkalapad nga “uncertainties” ug mga problema sa governance sa Philippine Government nakahatag og gabon nga nakaapekto sa klaro nga panan-aw sa direksyon sa ekonomiya sa nasud.
Dugang pa niini nga ang kakulang sa tin-aw nga solusyon sa pipila ka national issues nagmugna og pagduha-duha sa mga investors nga moadto o mopadayon sa ilang negosyo sa nasod.
Gipasabot usab ni Moreno nga ang local government units kinahanglan molihok gamit ang ilang kaugalingong resources ug kapasidad aron matabunan ang mga kakulangan sa national government.
Busa alang kaniya, angay nga mas palig-on ang kooperasyon sa mga LGUs ug katawhan aron mapalig-on pag-usab ang pagsalig sa mga foreign investors ug mapauswag ang investment climate sa Pilipinas.
