Gipahayag ni National Bureau of Investigation (NBI) Director Melvin Matibag nga duna silay gipakatap nga mga dedikadong tracking team, lakip na ang ilang mga district ug regional offices, aron pangitaon ang nahimutangan ni Sen. Bato dela Rosa.
Matud ni Matibag, nagsugod ang ilang operasyon ug pag-trace sa senador sukad pa sa pag-ikyas niini sa compound sa Senado niadtong sayong kabuntagon sa Mayo 14.
Giangkon sa direktor nga usa ka dakong hagit para kanila ang background ni Dela Rosa sa law enforcement tungod kay kabalo kini sa lihok sa mga otoridad, hinungdan nga dali ra kaniya ang pagtago-tago.
Nagpasidaan si Matibag nga madakpan ra gihapon sa balaod ang senador, ug miawhag nga mosurender na lang kini aron atubangon ang iyang kaso.
