Nagpadala og mga bug-at nga kagamitan ang Department of Public Works and Highways (DPWH) aron mutabang sa gihisgutan nga rescue ug clearing operations sa nahugnong siyam ka andana nga building sa Barangay Balibago, Angeles City, Pampanga.
Lakip sa mga dinalian nga gidala sa dapit mao ang duha ka dump truck, backhoe, boom truck, ug usa ka Tadano crane aron paspasan ang pag-alsa sa mga nangatagak nga semento.
Personal usab nga gisusi ni Public Works Secretary Vince Dizon ang dapit sa insidente samtang padayon ang gihimong paningkamot sa mga otoridad sa pagluwas sa mga tawo nga gikahadlokang natabunan.
Mahinumdoman nga nahitabo ang pagkahugno sa maong building bandang alas-3:00 sa kadlawon sa dominggo diin dunay mga narekober nga lawas ug padayon pang gipangita ang uban. (RIZA BUDLAO)
