Gianunsyo ni Presidente Ferdinand Marcos Jr. nga sa unang higayon sa kasaysayan, maghatag na og cash incentives ang Philippine Sports Commission o PSC alang sa mga medalist sa regular sports ug para games sa Palarong Pambansa 2026!
Gihimo sa Presidente ang maong lakang aron tinuoray nga pasidunggan ang talisik, singot, ug grabeng paningkamot sa mga batan-ong atleta sa nasod.
Gitataw ni Marcos Jr. nga gawas sa pagdala sa ngalan sa ilang eskwelahan ug rehiyon, bitbit usab sa mga atleta ang pangandoy ug inspirasyon sa ilang tibuok henerasyon.
Gisiguro sa iyang administrasyon nga todo-suporta sila sa training ug pasilidad aron mas mapalambo pa ang abilidad sa mga kabatan-onan sa natad sa paugnat kusog.
Gipahinumdoman pa sa Presidente ang mga partisipante nga mag-enjoy ug puy-an ang disiplina, paningkamot, ug respeto nga ilang makat-onan sa maong dula. (jane abulag)
