Gilusad na sa Commission on Elections kon COMELEC ang bag-ong “e-SOCE” system aron mas mapakusog ang transparency ug accountability sa pondo sa mga kandidato.
Pinaagi niini, mamahimo nang makita sa publiko diha sa internet ang tanang giduso nga Statement of Contributions and Expenditures sa mga kandidato, partido, ug mga donors.
Matod ni COMELEC Chairman George Garcia, liboan ka kaso na ang gi-endorso sa ilang Law Department aron pasakahan og legal nga aksyon ang mga wala misunod sa patakaran.
Kini nga inisyatiba gihimo uban sa tabang sa mga grupo sama sa Right to Know, Right Now!, Lente, ug UNDP.
Nanawagan usab ang komisyon sa publiko nga bantayan kini ug mangayo og tulubagon gikan sa mga nangampanya alang sa limpyo nga eleksyon. (JANE ABULAG)
