Nagpabilin sa heightened alert status ang tibuok Orange County, California tungod sa seryosong hulga sa pagbuto sa usa ka chemical tank sulod sa planta sa GKN Aerospace.
Gipabakwit na sa mga otoridad ang gibana-bana nga 50,000 ka residente human makasinati og “thermal runaway” o grabe nga pag-overheat ang maong tanke nga adunay sulod nga daling mosilaab nga kemikal nga methyl methacrylate.
Tungod sa kapakyasan sa mga valves sa pagpagawas sa pressure, gigamitan na karon sa mga emergency responders og drone technology aron ma-monitor ang nakitang liki sa maong istruktura.
Tungod sa nagkadakong risgo sa kaluwasan sa publiko, opisyal nang nadeklarar ang State of Emergency sa maong dapit samtang walay undang ang pagbubo og tubig sa mga bumbero aron mapugngan ang posibleng pagbuto.
Sa pagkakaron, wala pa’y gitakda nga lugway ang kagamhanan kung kanus-a makabalik ang mga bakwit ngadto sa ilang mga panimalay samtang nagpadayon ang critical operations sa mga otoridad. (jane abulag)
