Mulusad sa pipila ka adjustment ang Department of Education Caraga Region, human makadawat sa report adunay mga atleta nga nadala sulod sa Democrito Plaza Provincial Hospital gumikan sa “discomfort” samtang gadula sa outdoor games.
Gibutyag ni Peter Tecson, tigpamaba sa DepEd Caraga, nga “in placed” na ang ilang contingency plans alang sa ingon nga mga sitwasyon, lakip na ang mga higayon nga adunay kalit nga pagbundak sa ulan nga mahimong makaapekto sa kondisyon sa panglawas sa mga atleta.
Siya miingin nga posibleng ibalhin ang mga dula sa landong nga mga oras sama sa hapon o sa gabii aron malikayan ang peligro sa heat exhaustion, heat stress, ug labi na ang heat stroke sa mga manlalaro.
Si Tecson mipadayag nga padayon nga nagabantay ang DepEd Sports Units uban ang Department of Health (DOH) – Incident Management Team (IMT) sa kahimtang sa mga atleta nga direkta nga nabutang sa init sa adlaw.
Sa pagkakaron, wala pa’y naitalang insidente nga may kalabotan sa kainit nga nagkinahanglan sa medikal nga emerhensya, gawas sa mga atleta nga na-injured samtang kamulo ang ilang kompetisyon.
Dugtong niini, Aduna usab pipila ka mga koponan nga naghanyo nga dili gamiton ang aircon ug mas gipili nga magpabilin sa mga lawak nga adunay natural nga bentilasyon alang sa kaayohan sa ilang mga atleta.
Sa pikas bahin, nalipay ang DepEd Agusan del Sur sa taas nga rating nga nadawat gikan sa social media, mga ginikanan sa mga atleta ug mga langyaw nga nag-obserbar sa duha ka adlaw nga hitabo sa sports complex tungod sa ilang nakab-ot nga taas nga “standard” isip host city sa Palarong Pambansa, ilabi na sa paghatag og VIP treatment alang sa mga atleta
