MAKABALDA sa pagpasa sa 20 priority bills ang nagpadayong bangi sa senado.
Kini ang gipahayag ni Palace Press Officer Claire Castro.
Miingon si Castro nga ubos sa Legislative-Executive Development Advisory Council (LEDAC) sa administrasyong Marcos kinahanglan mapasar na unta sa naglabay nga sesyon kining mga sugyot sa dili pa ang session break sa Kongreso gikan Hunyo 6 hangtod Hulyo 26.
Namugos ang Palasyo nga dili lamang ang Presidente ang maapektuhan niini kon dili lakip na ang tibuok katawhan ug ang ekonomiya sa nasod.
