Nunot kini sa gipasaka nga ethics complaint sa National Bureau of Investigation (NBI) sa House Ethics Committee. Sulod lamang sa usa ka adlaw, diha-diha gibotohan sa plenaryo ang pagpalagput kaniya.
Nagresulta ang pagbotar sa mga magbabalaod sa 265 pabor, 14 batok, ug 8 abstain.
Una niini, lakip sa basehan nga gisang-at sa NBI ang gipakatag sa social media ni Barzaga nga adunay shooting incident ug “attempted assassination” sulod sa Senado, niadtong Mayo 13.
Gibutyag NBI Director Melvin Matibag, adunay siyam ka mga social media posts ang maong magbabalaod nga nagpakaylap sa peke nga balita batok sa ilang ahensya.
Dugang pa niini nga ang maong mga posts giingong na-validate na sa kompanyang Meta ug gi-fact-check na usab sa Vera Files.
Una niini lakip sa bug-at nga basehan sa plenaryo sa pagsipa kaniya sa puwesto ang disorderly ug repeated disruptive behavior.
