Giklaro ni Allyssa Ancheta, representante sa Gabriela Youth, nga dili angay tawgon nga special treatment ang pagpasa sa SOGIE Equality Bill tungod kay nagtumong lamang kini sa paghatag og proteksyon batok sa diskriminasyon.
Hinuon, gipunting ni Ancheta nga ang maong komunidad nakasinati pa gani og kawalay-kaangayan sa paggamit sa ilang batakang katungod sama sa edukasyon, trabaho, ug serbisyo publiko.
Sumala pa sa Gabriela Youth, ang balaod nagtinguha lamang nga matagamtaman sa mga sakop sa LGBTQIA+ ang patas nga katungod nga gi-enjoy usab sa ubang mga tawo sa katilingban.
Dugang pa niini, gipasabot ni Ancheta nga ang tinuoray nga tumong sa maong balaod mao ang pagsiguro nga walay tawo ang makasinati og diskriminasyon base sa ilang gender identity o SOGIE.
Busa, matod pa sa representante, ang maong inisyatibo dili mahimong itandi sa paghatag og bentaha ngadto sa usa ka grupo kay kini kabahin lamang sa pagkab-ot sa hustisya ug pag-ila sa tawhanong katungod sa tanan.
