Gibutyag sa Psychiatric Nurse nga si Julie Mae Maisog-Robles, RN, nga adunay dako nga epekto ang mga katalagman sama linog sa mental health sa mga kabataan, diin posibleng makasinati sila og post-traumatic stress disorder (PTSD) human makakita sa mga nangaguba nga parte sa ilang tulonghaan.
Dugang pa niya, dili lang PTSD ang mamahimong dangatan sa mga biktima, sanglit daghan usab kanila ang makasinati og grabeng kabalaka o anxiety ug depresyon tungod sa trauma sa maong kalamidad.
Busa, gipamatud-an ni Robles nga importante kaayo ang paghatag og dinaliang psychological first aid aron matabangan ang mga bata nga maka-recover sa ilang naagian nga kalisang.
Sa laing bahin, dako usab og papel ang mga ginikanan niining tungora pinaagi sa paghatag og presensya ug suporta aron mapabalik ang kumpyansa sa ilang mga anak.
Sa katapusan, giawhag ni Robles ang padayon nga pag-amping ug pag-amuma sa kahimsog sa pangisip sa mga estudyante ilabi na sa panahon sa mga susamang katalagman.
