Nag-deactivate na sa social media si Brandon Espiritu human giulan sa grabeng bash ang iyang kontrobersyal nga ‘halfies’ remark.
Nahimong sentro sa kasuko sa mga pageant fans ang iyang pamahayag nga dili kuno makadaog ang Pilipinas sa international stage kung wala ang mga kandidatong duna’y foreign blood.
Daghan ang nasuko kay giisip kini nga elitista ug insulto sa mga full-blooded Pinoy.
Bisan pa sa iyang pag-pangayog pasaylo, wala kini makapahilom sa mga netizen, maong gipili sa model nga hingpit na lang nga mobiya sa online platform.
Sa pagkakaron, wala pa’y pamahayag ang kampo ni Espiritu samtang nagpadayon ang debate mahitungod sa isyu sa representasyon sa mga beauty pageant.
