Wala napugngan ni actress Lotlot de Leon ang iyang emosyon sa dihang diretsahan niyang gitubag ang iyang igsoon nga si Ian de Leon bahin sa giingong sayop nga pahayag niini mahitungod sa nabilin nga mga kabtangan sa ilang inahan, nga si late Superstar ug National Artist nga si Nora Aunor.
Sa story conference sa pelikulang “40 Days,” klaro nga gisalikway ni Lotlot ang alegasyon nga siya ug ang uban pa nilang mga igsoon nga sila Matet, Kenneth, ug Kiko adunay interes sa bisan unsang kabtangan nga nabilin sa batikang aktres.
Gisulti niya kini human sa interview ni Ian kang Boy Abunda, diin giingon nga gi-abisoan kuno ang iyang mga igsoon sa plano nga magtukod sa one-person corporation (OPC) aron dumalahan ang pamana ug legacy ni Aunor.
Unang nailhan nga si Ian ang gitudlo nga mangulo sa korporasyon isip legal heir, samtang walay apil ang iyang mga igsoon nga gi-ampon sa Superstar.
