Malampuson nga nakasulod sa quarterfinals sa Bad Homburg Open ang panagpares nila Alex Eala ug Venus Williams human nila gipildi sila Alexandra Osborne ug Catherine Harrison sa iskor nga 6-3, 6-4.
Matod pa sa taho, bisan pa og kini ang unang higayon nga nag-uban ang duha sa korte, dali ra kaayo silang nagkasinabot ug gipakita ang kombinasyon sa batan-on nga abilidad ug kasinatian sa usa ka beterano.
Bisan og nakapugos og 3-2 nga labaw ang ilang mga kontra sa ikaduhang set, lig-on nga nakabawi sila Eala ug Williams aron hingpit nga maselyohan ang maong kadaugan.
Tungod niini, sunod nilang atubangon sa maong torneyo mao ang ikaduhang puwesto nga sila Tereza Mihalikova ug Olivia Nicholls.
Ang maong kompetisyon nagsilbi nga preparasyon sa dili pa ang Wimbledon sa sunod semana diin si Eala ang kasamtangang seeded number 29.
