Sa labing unang higayon, gitug-an ni Veronica Kitty Duterte nga wala siya nag-shades paggawas sa detention facility sa International Criminal Court (ICC) kay wala na siya mihilak dihang nagkita sila subli sa iyang amahan nga si kanhi Presidente Rodrigo Duterte.
Sa iyang pakighinabi sa mga pinoy nga nangumusta sa iyang amahan, mi-angkon si Kitty nga wala na kaayo nangayo’g impormasyon ang kanhi presidente sa lokal ug nasudnong mga balita kay nakapukos kini sa pagpangumusta sa ilang mga kabanay sa pamilya.
Malipayon usab si Kitty nga daghan sila nahisgutan sa iyang amahan.
Gikompirmar usab sa kamanghurang anak ni Duterte nga managsama ra ang iyang kahimtang sa panglawas ug ang iyang mental state nagkamaayo na.
Miingon usab si Kitty nga sa miaging semana, nahisgutan niya, pinaagi sa tawag sa telepono ang trahedya nga nahitabo sa Tacloban City ug Cavite kalabot sa nagsaka nga “school violence” sa Pilipinas.
Ang sunod nga pahayag ni Veronica Kitty Duterte, kamanghurang anak ni kanhi Presidente Rodrigo Duterte.
