Gihatagan ug gibug-aton sa katekista nga si Wilson Amad ang importansya sa katekismo sa mga tunghaan, kini human sa nagsaka nga kaso sa in-campus violent incidents sa nasud.
Butyag ni Amad nga ang katekismo dugay na nga programa sa simbahan alang sa mga tinun-an gikan elementarya hangtod sa high school.
Gipunting hinuon sa katekista nga kinahanglang dili panahon sa alas-dose sa udto o ting-paniudto ipahigayon ang maong programa aron mas maka-focus ang mga bata sa pagpaminaw sa mga leksyon.
Subay niini, gipamugos usab ni Amad ang pagpalig-on pa sa psycho-spiritual counselling nga programa sa simbahan aron matabangan ang mga kabatan-onan nga adunay mga problema sa mental health, lakip na ang pag mugna ug mga pamaagi para mahimong engaging ug dili boring ang pagtoon sa mga estudyante kabahin sa moralidad og bibliya.
