Malipayong midonar sa dugo ang mga miyembro sa LGBTQ+ community nga sila Randy Maldo Peralta ug Ibanni Amanay, pulos residente sa Brgy. Puntod ning syudad, isip kabahin sa bloodletting activity sa BOMBO RADYO Philippines: Dugong Bombo – A little Pain a Life to gain, donation drive, ning adlawa.
Gibutyag ni Peralta nga ika-12 na niya kining pagdonar sa dugo ug iyang namatikdan nga mas nindot ug himsog ang iyang paminaw human sa matag donasyon.
Bisan unang higayon pa lamang ni Amanay sa pag-apil, wala siya makasinati og pagkalipong ug mipahayag sa iyang kalipay nga nakatabang siya sa isigkatawo.
Giawhag sa duha ang ilang mga kaigsoonan sa LGBTQ+ community sa Cagayan de Oro nga aktibong mosalmot sa mga susamang kalihokan aron makatabang sa mga nagkinahanglan og dugo.
Gipasigarbo usab nila ang ilang Dugong Bombo t-shirt isip simbolo sa ilang hugot nga suporta sa malampusong bloodletting activity.
