Gipadayag ni City Volunteerism & Active Citizenship focal person Alain Roy Romero ang iyang hugot nga pagsuporta sa kalihokan nga Dugong Bombo 2026 isip kabahin sa tinguha sa pagluwas sa kinabuhi.
Matod niya, ang ilang buhatan ubos sa Community Affairs Office nanghatag sa libreng burger sa mga malampusong blood donors karon, sama sa ilang naandang paghatag sa hot meals kaniadto.
Gipamugos ni Romero nga kritikal kaayo ang pagdonar sa dugo tungod kay gamay ra kaayo ang porsyento sa mga nagdonar kon itandi sa taas nga panginahanglan matag segundo, bisan pa man sa mga medikal nga kakulian sa ubang interesadong moapil.
Gidugang ni Romero nga nagmando usab kanila si Cagayan de Oro City Mayor Rolando “Klarex” Uy nga ipaduol ang gobyerno sa katawhan ug palig-onon ang bolunterismo ug aktibong pagkalungsoranon sa pagserbisyo sa publiko.
Giawhag ni Romero ang iyang mga higala, paryente, boluntaryo, ug ang tanang lumulupyo sa siyudad ug kasikbit nga mga lugar nga moadto sa USTP Gym aron modonar sa dugo ug makatabang sa mga sektor nga labing nanginahanglan.
Taman pa ang Dugong Bombo sa alas 6 sa gabie.
.jpg "Usec. Castro, gipatin-aw nga bahin sa legal nga proseso ang extradition warrant batok kang Pastor Apollo Quiboloy")
