Padayun gihapon ang pag-atiman sa Barangay Lapasan ngadto sa 202 ka pamilyang biktima sa sunog sa Sitio Little Cebu ug Gaabucayan Brgy. Lapasan aron masiguro ang ilang kahimtang sa mga evacuation center.
Gitin-aw ni Kapitan Julito Ogsimer sa iyang interbyu sa Bombo Radyo nga bisan pa man sa kakulang sa pasilidad, nakabutang na og dugang portalet sa mga evacuation center sa Lapaz Uno ug Santo Niño Covered Court aron matubag ang panginahanglan sa mga apektadong residente.
Dugang pa niini, gipasalig sa kapitan nga padayon ang pagmonitor sa ilang mga health worker ug nurse ilabi na nga 67 niini ang mga pamilyang renters o nag-abang.
Gipaniguro usab sa barangay nga mahatagan og pagkaon ang mga biktima katulo sa usa ka adlaw sulod sa gitakdang 7 ngadto sa 10 ka adlaw nga protocol sa pag-atiman kanila.
