Giangkon sa aktor nga si James Reid nga gibati niya ang hilabihang kakulba ug pressure sa pakigtambayayong sa sikat nga aktres nga si Kathryn Bernardo alang sa ilang gipaabot nga series nga ‘Someone, Someday’.
Bisan pa man niini, gidayeg ni James si Kathryn sa pagkamapaubsanon ug pagka-hands-on sa maong proyekto, diin daghan matod pa siya og nakat-onan gikan sa aktres.
Ang maong romance-thriller nga serye, nga gidireksiyonan nilang Chad Vidanes ug Dolly Dulu, maoy magsilbing dakong pagbalik ni James sa telebisyon human sa pipila ka tuig.
Hisayran nga gipagawas na sa miaging Miyerkules ang bag-ong teaser niini nga nagpakita sa managlahing bahin sa karakter ni Kathryn isip usa ka mapangga nga igsoon, batan-ong CEO, ug suod nga higala ni James.
Opisyal nga isalida ang ‘Someone, Someday’ karong umaabot nga Hulyo 27, diin makasama usab nila sa unang higayon ang aktres nga si Maja Salvador.
