Gipasiugda ni Ukrainian Presidente Volodymyr Zelensky nga ang Ukraine ug ang tibuok Europe adunay komon nga responsibilidad sa pagpanalipod sa kinabuhi sa mga tawo ug sa mga baruganan sa Europa taliwala sa padayon nga agresyon sa Russia.
Matud pa kaniya, dako ang mga hagit nga giatubang sa nasud sa Europa karon, apan adunay higayon ang European Union nga mahimong mas lig-on, mas epektibo, ug mas produktibo.
\Gihatagan usab niya og gibug-aton nga ang pagtahod sa kinabuhi sa matag tawo kinahanglang magpabiling usa sa labing batakang prinsipyo sa European Union.
Matud pa ni Zelensky, mao kini ang matang sa kaugmaong gitinguha sa matag usa alang sa ilang kaugalingon, sa ilang mga anak, ug sa ilang mga pamilya. (jane abulag)
