Abante na sa round of 16 ang team Portugal human gipukan ang Croatia alang sa nagpadayong elimination round sa FIFA World Cup.
Gipangulohan ni Cristiano Ronaldo ang team human siya nakapuntos sa unang goal ug gisundan kini sa last-minute shot gikan kang Goncalo Ramos. Natapos ang dula sa final score 2-1.
Sa pagsugod pa lang sa dula, una nga nakapuntos ang Croatia pinaagi ni Ivan Perisic sa ika-53 nga minuto, apan naka-iskor si Ronaldo pinaagi sa penalty human sa foul kang Renato Veiga.
Sa stoppage time, si Rafael Leao naghatag sa assist kang Ramos ug nakapuntos sa header aron makuha ang kadaugan.
Human sa dula, emosyonal nga nagpaalam si Modric sa mga fans, nga gituohang mao na ang iyang katapusang World Cup appearance.
Gawas sa Portugal, sulod na usab sa round of 16 ang Spain.
Ang duha ka team mag-agbat sa Dallas Texas sa Hulyo 6.
Hisayran nga ang dula mao ang unang higayon nga nag-atubang sa World Cup si Ronaldo (41) ug Luka Modric (40), kinsa naila isip outfield players nga lapas na sa edad 40.
