Gikwestyon sa convenor sa Citizen’s Watch for Good Governance nga si Atty. Antonio Soriano kon duna ba’y otorisasyon gikan sa House of Representatives ang prosekyusyon sa ilang pag-withdraw sa tulo ka artikulo sa impeachment batok kang Vice President Sara Duterte.Gitin-aw sa abogado nga gipasa sa tibuok kamara ang maong mga alegasyon, busa kinahanglang duna’y pormal nga resolusyon sa dili pa kini pataka nga i-drop sa prosecution panel.Gawas niini, gipasidaan sa lider nga na-short-change o nailad ang katawhang Pilipino sa dinalian ug oral nga desisyon sa prosekyusyon tungod kay nawad-an ang publiko sa tsansa nga madungog ang kompletong kamatuoran sa tanang kaso.Tungod niini, gipamugos sa opisyal nga kinahanglang hatagan og klarong aksyon ug pagtuki sa Senate Impeachment Court ang maong legal nga kalibog aron mapanalipdan ang kaayohan ug katarungan sa nasud.
