Giangkon ni Palace Communications Undersecretary Claire Castro nga nakabati siya og kahadlok ug kabalaka human siya giduolan ug gisinggitan ang iyang team sa pipila ka mga Pilipino sa Vancouver, Canada.
Nahitabo ang insidente samtang nag-shoot unta og ‘reels’ ang Presidential Communications Office alang sa pagbisita ni Presidente Ferdinand Marcos Jr. sa maong nasod.
Sumala ni Castro, kalit silang giduol sa usa ka Pinoy nga nangutana sa iyang ngalan, apan imbes nga magmabinantayon, nagsugod na kini sa pagsinggit nga ipakanaog sa pwesto ang presidente ug gisultihan pa silag mga pulong.
Bisan pa man nga gitahod sa Malacañang ang kagawasan sa pagpahayag, gibutyag sa opisyal nga dili kini angay ipaagi sa mapintas samtang sila igo ra nagbuhat sa ilang trabaho.
