Taliwala sa nagpadayong “impeachment trial” batok kang Bise Presidente Sara Duterte, gisubay pag-ayo sa korte kung giunsa pagsusi sa kagamhanan ang mga hulga batok sa kinabuhi sa usa ka presidente.
Namahayag si Senator Judge Joel Villanueva nga importante nga matimbang-timbang kung ang usa ka pasangil duna ba gayoy bug-at nga basehan o usa lamang kini ka ordinaryong pamahayag sa matag adlaw.
Sa iyang pangutana kang NBI Senior Agent John Mark Calilung, gipangayo sa senator judge ang katin-awan gikan sa testigo kalabot sa mga pamaagi sa pag-analisar sa maong mga taho sa hulga.
Gitinguha usab nga masayran kung unsa nga mga piho nga mga aspeto ug “factors” ang gikonsiderar aron makuha ang saktong kamatuoran ug mapatuman ang angay nga mga lakang sa seguridad.
Pinaagi niini, gilauman nga mas mapalawman pa ang pag-usisa sa mga ebidensya aron masiguro ang makiangayon ug patas nga dagan sa maong makasaysayanong paglitis sa nasod.
Dugtong niini, gibutag ni Calilung ang pangutana ni Villanueva.
Si Calilung miingon nga dili siya katubag sa threat assesment kay trabaho kini sa NICA isip institusyon tungod kay dili man siya makatubag alang sa institusyon.
Apan base sa iyang kapasidad, ang usa sa gikonsiderar kung kini usa ba ka ‘active threat’ (aktibong hulga), mao kung ang naghimo ba sa hulga adunay kapasidad sa pagbuhat niini.
