Wala na gikatingala pa sa Atin Ito Coalition ang bag-ong naratibo nga gipagawas sa China kabahin sa teritoryo sa Pilipinas.
Sumala ni Rafaela David, Convenor sa koalisyon ug Presidente sa Akbayan Party, dili na bag-o alang kanila ang laing matang sa pagpangilog sa Biejing Government sa mga Isla nga sulod pa sa area of responsibility sa Pilipinas.
Una niini, bag-uhay lang mitumaw ang report gikan sa mga “Chinese scholars” nga nag-ingon nga ang Batanes kuno kabahin sa pagpanag-iya sa China.
Giingon sa mga iskolar nga ang maong probinsya nga nahimutang sa amihanang bahin sa nasud sakop sa Taiwan, busa nagtuo sila nga kini iya sa China.
Apan sa eksklusibong interbyu sa Bombo Radyo kang David, iyang gipamugos nga kini karaan na nga naratibo sa langyaw nga nasud.
