Wala na natingala ang Atin Ito Coalition sa padayong pagpamakak ug pagpang-bully sa China human kini miangkon nga ilaha ang maong teritoryo lakip na ang Batanes.
Hugtanong gipahayag ni Rafaela David, ang convenor sa koalisyon, nga walay kamatuoran ang maong mga pangangkon ug klarong peke nga balita ang gigunitan nga “9-dash line” sa maong nasod.
Taliwala sa walay hunong nga harassment sa China, gidayeg ni David ang kaisog sa mga Pilipino nga padayong mibarog ug nanalipod sa atong kadagatan.
Gihatagan usab niya sa dakong pasidungog ang mga lokal nga mangingisda nga walay pagduhaduha nga mibiyahe sa West Philippine Sea aron masiguro nga mga Pilipino lamang ang nakabenepisyo niini.
Iyang gipasabot nga ang Batanes ug ang maong kadagatan hingpit nga gipanag-iya sa Pilipinas ug dili gyud kini makuha ni bisan kinsa.
