Gipamatud-an ni Rear Admiral Roy Vincent Trinidad ang dako nga kausaban sa West Philippine Sea dungan sa pagsaulog niini sa anibersaryo sa kadaugan sa Pilipinas sa Arbitration Tribunal batok sa China.
Gipakita sa mga survey nga anaa sa 83 hangtod 89 porsyento sa mga Pilipino ang nakasabot ug andam mosuporta sa Armed Forces of the Philippines (AFP) alang sa pagdepensa sa nasod.
Misaka usab ang ihap sa mga langyaw nga nasod nga nakigtambayayong sa Pilipinas pinaagi sa “defense diplomacy” ug mas gipalapdan nga relasyon sa depensa.
Hisayran nga milusad og dugang mga patrol sa kadagatan ang maong mga kaalyadong nasod kauban ang AFP aron masiguro ang seguridad ug proteksyon sa teritoryo sa Pilipinas.
