Naglaom si Senate President ug Presiding Officer Francis “Chiz” Escudero nga masulbad dayon sa Korte Suprema ang isyu sa gidaghanon sa boto nga gikinahanglan aron mahatagan og hukom ang respondent sa impeachment trial ni Bise Presidente Sara Duterte sa dili pa mopagawas og pinal nga desisyon ang Senado.
Matod niya, ang kasamtangang giya sa impeachment court nagpabiling 16 ka boto o two-thirds sa tanang 24 ka pwesto sa Senado, subay sa Konstitusyon ug sa naglungtad nga desisyon sa Korte Suprema sa ‘Bayan v. Zamora.’
Gipasabot usab ni Escudero nga bisan 21 lamang ang aktibong senador sa pagkakaron, ang basehan sa two-thirds vote mao gihapon ang kinatibuk-ang 24 ka senador.
