Gipamugos ni Senate Impeachment Court Presiding Officer ug Senador Francis “Chiz” Escudero nga wala niya pangayoa o gipangandoy ang pagkapili isip presiding officer sa impeachment trial batok kang Vice President Sara Duterte.
Matud niya, napili siya pinaagi sa boto sa Senado subay sa giusab nga rules sa presiding officer nga giaprubahan sa katapusang sesyon sa Senado niadtong Hunyo, ug siya mismo ni-abstain sa maong pagbotar.
Giingon ni Escudero nga iyang atubangon ang responsibilidad isip presiding officer, bisan wala niya pangayua ang maong katungdanan.
Dugang usab niya, aduna siyay tinguha nga tabangan ang Senado ug ang Impeachment Court nga matuman ang ilang mandato ug masagubang ang maong proseso.
