“Every form of bullying and greed will disconnect us from each other”, mao kini ang kusganong pahayag ni lay theologian Wilson C. Amad kalabot sa padayong pag-angkon sa China sa mga teritoryo sa Pilipinas.
Gihulagway ni Amad nga usa ka matang sa propaganda ang mga pag-angkon sa pipila ka Chinese scholars nga kabahin sa China ang Batanes, ug gihatagan og gibug-aton nga dili angay nga i-acknowledge sa gobyerno ang maong mga pag-angkon.
Gawas pa niini, nanawagan siya sa atong gobyerno nga imbestigahan ang pagpalit og daghang yuta sa mga Chinese sa Palawan pinaagi sa paggamit og mga dummy.
Alang kaniya, kinahanglan nga mobarog kita batok niining pamaagi sa China tungod kay ang pag-angkon sa teritoryo sa laing nasod usa ka dako nga hulga sa atong nasudnong integridad.
