Sa karsada ang labanan ug dili na sa social media! mao kini ang gibarugan ni Capt. Rey Valeros Jr., Secretary General sa United People’s Initiative, tungod kay kini matod pa ang bugtong paagi aron madungog ang hinaing sa katawhan luyo sa pagkontrolar sa mainstream media ug social media
Nunot niini, gipahibalo sa maong opisyal nga duna silay ipahigayon nga nationwide nga indignation rally karong Hulyo 19 nga himuon dungan sa Mindanao, Visayas, ug Manila.
Matud pa ni Valeros, dili na kinahanglan pang lalisan ang sitwasyon sa nasud tungod kay tataw na nga nalubong na kini sa mga problema ug gikinahanglan na ang kolektibong aksyon gikan sa mga tawo.
Tungod niini, naglaom ang maong pundok nga mamati ang mga namunoan sa gobyerno sa ilang pagsinggit sa kalsada aron usbon ang kasamtangang matang sa politika sa nasud.
