Nabati na usab sa ekonomiya sa Estados Unidos ang paghinay-hinay na sa pagdagsa sa mga turista ug mga fans sa football nga mulantaw sa FIFA World Cup finals.
Sumala ni Bombo International News Correspondent, Bombo Dolly Ilogon gikan sa New York City, USA, ilabi na ang sektor sa mga kan-anan ug mga bar ang nakatagamtam sa dakong kadasig sa negosyo tungod sa pagbaha sa mga bisita gikan sa nagkalain-laing nasod.
Gipasabot ni Ilogon nga ang presensya sa mga fans nga nagsuporta sa ilang tagsa-tagsa ka mga pambato nga koponan nga nanulong sa dapit alang sa mga duwa sa stadium sa New Jersey ang naghatag og dakong bulto sa kita alang sa lokal nga patigayon.
Tungod niini, nagpabiling bibo ug mabulokon ang atmospera sa siyudad samtang nagkaduol ang kulbahinam nga sangka sa finals karong Dominggo.
