Gipahimangnoan ni Atty. Samson S. Tan, MDM sa College of Law sa Liceo de Cagayan University nga bisan pa og usa ka impeachment trial court ang Senado, nagpabilin kini nga gigapos sa mga lagda ug balaod sa nasod.
Hinuon, gipunting sa abogado nga dili mahimong lapason ang tawhanong katungod sa usa ka tawo pinaagi sa pag-abli sa mga bank record base lamang sa pagduda, tungod kay walay bisan kinsa nga labaw sa balaod.
Alang kaniya, kinahanglan gayod nga adunay igong rason nga nahiuyon sa balaod sa dili pa mohimo og lakang aron masiguro ang pagtuman sa proseso sa due process.
Sa laing bahin, gipasiugda ni Atty. Tan nga ang sistema sa hustisya sa nasod gibase sa rule of law ug dili sa rule of man, busa kinahanglan nga magpabilin ang pagtahod sa mga katungod bisan pa sa tumong nga masuta ang kamatuoran.
