Nadakpan na sa Philippine National Police ang riding-in-tandem nga mipatay sa political vlogger nga si Mima Alicia.
Namahayag si PNP PIO Acting Chief PCol. Allen Rae Co nga ang mga nasikop naila sa alyas “N.S.”, ang gunman, ug usa ka alyas “J.A.”, ang drayber sa motorsiklo.
Atubangon sa duruha ang kasong murder, kauban ang paglapas sa RA 10591 bahin sa illegal firearms ug RA 9516 tungod sa paghupot sa eksplosibo.
Nakuha gikan sa ilang panag-iya ang duha ka hand grenade, usa ka caliber .45 pistol, ug usa ka caliber 9mm pistol sa gipahigayon nga operasyon.
Gituohan sa mga awtoridad nga ang naasoy nga kalibre 45 pistol mao ang pusil nga gigamit sa pagluthang sa biktima.
